Kòlò kulò kelas kalèh
Kulò kalèh kuli kulò
Kulak kolang kaling kalèh kilo
Kéli kalen kilén kulò
Kilén kali kélip kélip
Kalung kulò kerlòp kerlòp

Taplak gupak glepung … (ping satus macane yo mas ..)

Sejatine dolanan jaman cilik kuwi pancen nyenengke ati, ambok o dolanan kuwi mung dolanan nganggo paguneman. Naliko sakmono, bocah cilik ki umume podho kreatip-kreatip, nduwe pangudi roso sing dhuwur. Lha coba dirasakne wae, mung dolanan ukoro koyo conto nang nduwur kuwi, bocah-bocah senenge ora umum. Piye carane supoyo ilate ora kepuntir-puntir pas nggunemake taplak gupak glepung ben ora kewoco taplak guplak geplung.

Jaman semono jelas bedo karo saiki, sing bocah-bocah luwih seneng dolanan XBOX utowo Nintendi Wii, ketimbang dolanan benthik lan gobag sodor. Ha mbok totohan (eh totohan ki ra entuk ding), luwih akeh bocah sing ra iso penekan uwit ketimbang bocah-bocah jaman mbiyen.

Jaman saiki, koyo-koyo dolanan ki wis dipathok karo sing nggawe dolanan, le mu dolanan ki koyo ngene. Bocah-bocah wis ra iso kreatip nggawe dolanan anyar, koyo to nggawe bedhil-bedhilan seko triplek, terus dinei pentil ben iso dinggo njepret cecak (nakal tenan ..😀 ), soyo maneh nduwe inisiatip nggawe dolanan dewe, lha opo-opo mung njaluk tukokke neng toko.

Tur maneh sing sok rodo marai mangkel ki, bocah-bocah kuwi uripe neng tlatah Jowo, ananging kon ngomong boso jowo we angele ra umum. Sajak prihatin temenan. Lha cah jowo kok ra iso ngomong jowo, nek ngomong jowo yo ra pener, karo wong tuwo yo nyante wae le ngomong nganggo boso ngoko.

Yo mugo-mugo neng salah sawijining nggon neng tlatah jowo, isih ana bocah sing nduwe kreatipitas sing dhuwur, lan iso boso jowo sing pener.

Technorati Tags: , ,